LUVINA
Ntaka yukú sukun chijin jikau, yukú Luvina kuua sunkutunin de maa yuuku. Yukúu ndo’ o ju’ ubi a ntaka ntaa yuu a kayaa a kasa’a kaka, nun ñuun Luvina nduu kasa’a ntaade kaka jin ntati ñua de anin nduu ndee kake’e ntaade. Ñukuan skunanin ntaade yuu kayi’i, de nun yi’i ichi a kaa kua’an Luvina sunin skunanin ntaade yuu kayi’i. Ntaa tachi jin kantí suu kuua kasa’a te’eya, suu kuua ntaa ñu’ un ñukuan kayaa de xiñu ndee taka a kúun yuyu steen ne’e kaa; kuachi a saa a ka’anin, chi Luvina nintuu ndiko túnin, tenun kuu akua de ntaa yuyu nduyuu ndenun andi’bi de nduu ntee nunkabaka nun ñu’un.
… Maa ñu’un kaxiñiu, kuu ndee cha’a chukuan kenen ntaka yuu kava de kuu kunun túnin de kujika kua’an. Ka’an ntaa maa ñayibiu Luvina ndee nun kunun kuu nun baji ntaka a kajaninde; suu san mitu’un xini a nininda a kaa baji kuu tachi a ni’in de iyo kuu, taku a ndee nun kunuun chinta’a ntaa yuku kuachi dulkamaras,ntaa yuku kuachi kaa kuaka a kata ni’in kuteku a ñusteen ñaxii de tíin kutukata jin nta’a luli nun ntaka yu’u kabau. Ndeya’a ndeñukuan nun iyo bina’a kooda’abi, yiyu’u mañu ntaa yuu de ja aita kuijin yuku kuachi chikalote. Suu yuku chikalote chi ñama xii. De saa kuua nininyo ñe’e tachi jin suu maa nta’a iñu de kayuu taku yuchi a nakii nuyuu kuu.
Traducción al mixteco de Francisco Ramírez Feria. México, INI, Cuadernos literarios, 1986.