Nuestro compromiso es por México

Close Icon
   
Contact Info     @FundacionAHHO

Esopo

Captura de pantalla 2015-05-05 a las 18.12.49
Wis mblox ndji ye’s ndile Esopo
nzob distee lond
Lengua zapoteca de Loxicha

Le marts wis nzind cho’p nze mbe marz, ndiob mbro mend lo lee mplo nak ndji yó ndile IAGO. Ro’l ja wis ndub ntei na ntolo mbde’j re nza nzi lo yaa laa nkuand ndliy nzi ndob mend, mbde’j nza ndji libr ndile Esopo ni dis re mend blas. Na xkis Esopo njuand ndile Fabulas, dix nzi nak ntolo mbde’j nzei ke mbli lal nzei dis ni ree mend blas nzi lo la’s ye’, na re mend blas nzi lo la’, na re mend mblas nzi ye’k yi’ nga’b, na re mend blas nzi lo yi’ la. Re dis ndo lo yes rei li nzind nza lo’x distee lo re or bis, ntai nza ted or lab or na ker dis nir.

Njuan nak re distee ndo lo yes rei, lud mend niy na njuand nda mblo mend no teed mend nke mend na lo yes, ntai nza na lu’x ntei. Need ndile re njuand mplo ndlos distee lo or bis, re need rei lox yex nta mbdus nkuas: Need ndie guach, need ndie mbes do’, need ndie mbind narend, na need ndie mbsi’s. Re nja ndib njuand ngua nzind rei nza ndile Francisco Toledo na ndji ngo’l ndile Maria Isabel Grañén Porrua nza ya mblo jmii mbdix nza. Na nza ndo’b lo yalaa mbud dis nkuand ndliy ndab lo mend nteed mend na lab mend distee na kee mend distee lo yes, re nza yaa nak Juana Vásquez Vásquez, Janet Chávez Santiago, Pergentino José Ruiz, María Isabel Grañén Porrua, na ndji nza ndus nkua ye’s ndile Araceli Mancilla. Dis ndo lo yes rei nda noi ndji disk nzo distee lond, ntai nza ngond mend na, nan da noi ndji gai dibuj nalee tub ñee nbtux nkua maestr Toledo, ntai nza nalee yoo laxho mend nke mend dis tend mend.

Pergentino José Ruiz

Entrada etiquetada con: , ,

Los comentarios están cerrados.